wis jumangkah teka ing papan iki
mokal bali yen ora bakal ciniwi
panggonan kang geseh jroning prajanji
jebul mung kebak bebujuking impi
ora ana bukti yen jigrang bae bisa ngundang rejeki
ora kabukti bandha teka merga dipepuji
kabeh kudu kanti srana obahing dhiri
sengkut makarya iku sayogyaning pakerti
dhuh gusti pepujaning abdi
sampun kaladuk dalem laku anglampahi
mugi panjenengan tebihaken bebenduning mami
kawula sumadya ngambah bali sejatining margi
dhumateng panjenengan kang maha suci
Tidak ada komentar:
Posting Komentar